Chhattisgarh toh sobse komti Unemployment Rate

NEW DELHI: Chhattisgarh toh lowest unemployment states pithor India te first ranked ase, koikena Monday din official statement hesab te khobor toh janaishe. Centre for Monitoring Indian Economy (CMIE) para sobse notun data released kora te, March moina Chhattisgarh te unemployment rate toh 0.6 per cent registered hoishe aro etu toh itya dak sobse komti ase koishe. India te sobse komti unemployment rate toh Chhattisgarh first rank te ase aro March moina dak te 7.6 per cent ase, koikena statement te CMIE data toh janaishe. Data hesab te, Haryana toh highest unemployment rate 26.7 per cent ase, etuu beche Rajasthan aro Jammu & Kashmir te 25 per cent aro Jharkhand te 14.5 per cent ase koishe. Chhattisgarh government para tin(3) saal akhe Mahatma Gandhi’s ‘Gram Swaraj’ vision te notun model bonaishe aro etu toh state development aro schemes neshina Suraji Gaon Yojana, Narva-Garva-Ghurva-Bari programme, Godhan Nyay Yojana, Rajiv Gandhi Kisan Nyay Yojana toh rural economy othabo nemite ase, koikena statement para aro koishe. Notun employment opportunities toh rural areas te etu schemes ola beche bonai ase. COVID-19 bemar first aro second waves samai, state laga economy toh eku howa nai, hoilebi nationwide economic toh kerishe koishe. State government para ‘Chhattisgarh Employment Mission’ koikena kulishe, etu para aha 5 saal pithor te 15 lakh notun employment opportunities olabo koikena, khobor para janaishe.