Agencies: The deaths occurred during the evening rush-hour.Chicago Tribune khobor kurishe Monday saam te Metro officials para Metra Electric District tracks te sob services shut down kurishe. Shut down toh accident site te authorities kaam kora nimite ase.
Police koishe duita officers, Eduardo Marmolejo, 37, aro Conrad Gary, 31, Calumet District laga Chicago Police Department te assign kuri kena thakishe. Duita officers toh Metra railway line te suspect piche kuri thakishe.
City police Superintendent Eddie Johnson news conference te koishe officers khan laga jaga te rail stop thaka nai. Train toh 60 para 70 miles per hour laga speed te jai thakishe.
Police koishe policemen para piche kuri thaka manu toh police khan para dhuri loishe. Police para etu manu logote para hatiyar recover kurishe.
Johnsopn koishe officers khan mura toh ekdam biya hoishe. Etu saal Calumet District te dusra treagedies bhi hoishe. Etu tragedies majote recently duita officers bhi suicide kurishe.
Duita officers bhi department te 2-1/2 years serve kurishe. Gary 18 months age te department join kurishe. Grey toh ekta chutu bacha laga baba ase.
Etu train ghatna pichete huwa news conference te superintendent logote Mayor Rahm Emanuel bhi join kurishe. Mayor Rahm Emanuel koishe kotha para monduk thaka toh express kuribo napare.
Emanuel koishe enika critical juncture te Chicago police department ke ami khan support kuribo lage.
Add Comment