Chief Minister – Dr. Neiphiu Rio Para Ekta Obituary Reference Banaishey, Itu Late Former India Laga Prime Minister – Dr. Manmohan Singh Ke

March 03, 2025, 06:16 PM: Itu 14^th Nagaland Legislative Assembly laga first din laga Sixth Session tey, itu Nagaland laga Chief Minister – Dr. Neiphiu Rio para 3^rd March 2025 tey, Nagaland Legislative Assembly hall, Kohima tey ekta obituary reference banaishey, itu late former India laga Prime Minsiter – Dr. Manmohan Singh, kun toh hoiley 26^th December, 2024 tey muri jaishey, tai 92 saal laga age thaka tey, Delhi tey.

Lt. Dr. Singh ke statesman aru economist koi kena respect kurishey, kun toh hoiley itu India laga Prime Minister hisap tey serve kurishey, 2004 para 2014 tak, itu country political aru economic landscape ke ekta lamba impact chari di kena.

Tai toh hoiley poila Indian leader thakishey, Jawaharlal Nehru pichetey, aru bhi re-elect hoa laga, ekta full term serve kuria pichetey bhi aru ekta first Sikh manu thakishey, itu country laga top post dhuri kena thaka laga.

Lt. Dr. Singh toh hoiley September 26, 1932 tey jonom hoa laga thakishey, ekta chutu bosti tey, Gah tey, Punjab laga, kuntu toh hoiley itya Pakistan tey asey. Tai puri likha tey bhi agey thakishey, Punjab University para degree pawa laga asey, Cambridge laga University para masters purishey aru itu pichetey Oxford University para Ph.D purishey. Tai toh hoiley India laga Finance Minister bhi thakishey 1991 tey, tai para ekta pivotal role play kurishey, itu country ke financial crises para bahar ulai dishey.