January 18, 2026: Ekta condolence message tey, itu Nagaland laga Chief Minister – Dr. Neiphiu Rio para toh hoiley tai laga bishi mon dukh thaka laga express kurishey, itu Rev. Dr. Rieweh Robert Cunville toh achanak para muri jawa jani pai kena, NEIGRIHMS Hospital, Shillong tey, 17th January, 2026 tey. Rio para koishey, tai itu duniya tey nathaka hoi jawa toh, bishi dangor loss asey, itu global Christian community karney aru itu manu khan laga jeevan nimitey, kun khan ke tai laga faithful ministry para chuishey aru transform kurishey. Rio para koishey, Rev. Cunville laga ministry nimitey calling toh hoiley tai juwan thaka homoi tey para shuru hoa laga thakishey, aru ekta lifetime laga devoted service shape kurishey. Tai ke tai laga humility, courage, aru deep faith nimitey janipai. Cunville para Christian aru non-Christian manu ke bhi mon chui kena asey, Christ laga message bukhi kena, kitya Isor para tai ke chulai. Rev. Cunville toh hoiley osor para associated asey, Nagaland logotey. Tai laga leadership aru involvement thaka laga, itu Billy Graham Crusade tey, Kohima tey, 1972 tey, kuntu toh hoiley North East Christian Council laga Secretary hisap thakishey, tai toh hoiley instrumental thakishey, itu successful para organize kuriboley aru spiritual para impact hoboley, itu event laga, bishi Naga manu khan nimitey.
Chief Minister Laga Condolence Message, Lt. Reverand Dr. Rieweh Robert Cunville Ke
Add Comment