December 02, 2025: Itu MoU Exchange Program loishey, Toyota Kirloskar Motor Pvt. Ltd. aru Investment & Development Authority of Nagaland (IDAN) majetey, itu Bamboo Hall, Naga Heritage Village, Kisama tey, 2nd December, 2025 tey.
Itu MoU toh hoiley key Corporate Social Responsibility (CSR) implement kuriboley karney asey, itu company laga, Healthcare Infrastructure aru improving educational facility khan majbut kuria tey, Kohima aru Dimapur tey.
Nagaland laga Chief Minister – Dr. Neiphiu Rio para tai laga address tey, Toyota Kirloskar Motor Pvt Ltd thanks janaishey, Health Partner khan hisap tey, tai khan laga public health service khan improve kuriboley bhabana thakishey, enhance learn kuria empower kuriboley aru aru-bhi long-term social impact banaboley, life tey. Tai para state kurishey ki, healthcare system itu State tey, thik jaga tey nai, geographical isolation nimitey aru facility khan lack hoa para, aru tai para akha thaka laga express kurishey, ki present initiative para itu manu khan laga life tey budli aniboley asey.
Director, Project SVP & CCO, Toyota Kirloskar Motor Pvt Ltd, Sudeep Santram Dalvi para itu itu occasion tey kotha kuri kena, state kurishey ki, Toyota laga initiative itu region nimitey aru itu corporate responsibility nimitey toh hoiley meaningful social economic development nimitey kaam kuriboley karney asey. Tai para koishey ki, Toyota Kirloskar Motor Pvt. Ltd. para tai khan laga engagement aru connection extend kuri thaki kena, Nagaland logotey, tai khan toh hoiley social impact tey bhi focus kuriboley mon asey.
Add Comment