December 7, 2021: Defence minister Rajnath Singh para chief of defence staff (CDS) Bipin Rawat laga helicopter crash howa nemite Thursday din Parliament te kotha koriboli ase koishe. Etu samai, Prime Minister Narendra Modi aro Rajnath Singh para CDS Bipin Rawat laga chopper crash nemite kotha koikena ase. Indian Air Force (IAF) helicopter te CDS General Bipin Rawat, tail laga maiki aro dosura India laga top defence officials ke loikena jowa samai Coonoor Tamil Nadu te crash hoishe. “IAF Mi-17V5 helicopter te CDS Gen Bipin Rawat bohi thaka toh aji Coonoor, Tamil Nadu te crash hoishe,” koikena IAF para janaishe. IAF para aro etu incident nemite accident toh inquiry koriboli ordered thishe. Helicopter crash te 11 jun laga jaan jaishe, hoilebi crash te morai manuh khan laga nam toh aro janiboli ase. Tin(3) manuh ke othaikena hospital te elaj nemite loikena jaishe. Etu IAF chopper te 14 jun ke loikena jai thaka samai Coimbatore aro Sulur majot, Tamil Nadu te hoishe. Etu chopper te samil thakai manuh toh CDS General Bipin Rawat, tai laga maiki Madhulika Rawat, Brigadier LS Lidder, Lieutenant Colonel Harjinder Singh, Naik Gursewak Singh, Naik Jitendra Kr, Lieutenant Naik Vivek Kumar, Lieutenant Naik B Sai Teja and Havildar Satpal, samil ase koishe. Local military officers etu jaga te jaikena koishe ke, local manuh para 4 bodies toh 80% burn hoikena local hospital te ase koishe. Konuba bodies toh accident howa neje jaga te paishe aro tai khan laga identities toh janiboli kori ase. Crash howa jaga para bodies otha toh Military Hospital, Wellington Tamil Nadu te loikena jaishe koishe.
Add Comment