October 15, 2024, 06:31 PM : Chief Secretary Dr J Alam IAS para ekta meeting loishey, itu Department khan laga Administrative Head aru Department khan laga Head (AHoDs/HODs) meeting laga, Secretariat Conference Hall, Kohima tey para, 15th October, 2024 tey.
Itu meeting tey chair kuri kena, Alam para remark kurishey ki, alag alag complaint khan toh hoiley receive kurishey, itu attendance khan komti thaka laga, office khan laga head khan para, itu district office khan laga head khan laga. Tai para koishey ki office khan laga sob head khan toh hoiley station tey thakiboley lagey aru bhal para intimation kuriboley lagey, HOD khan karney, judi tai khan leave tey asey koiley, nahoilebi station para bahar tey asey koiley, kunba official kaam karney.
Tai para itu bhi remind kurishey, itu Office laga Head ke, tai khan laga respective assign kuri kena thaka station tey thakiboley karney, sob homoi tey, kiley koiley sob government laga employee khan ke itu government para hey pay kuri asey tankha toh, tai khan laga designate thaka jaga laga manu khan ke serve kuriboley karney.
Add Comment