Chief Secretary Para Media Ke Brief Kurishey, Nagaland Credit Empowerment Summit Opor Tey

September 21, 2024, 03:50 PM : Chief Secretary, Dr. J. Alam, IAS para, Finance Commissioner – Sentiyanger Imchen logotey mili kena, media laga manu khan ke brief kurishey, itu Nagaland Credit Empowerment Summit laga opor tey, Noune Resort, Chumoukedima tey, 20^th September, 2024 tey.Dr. Alam para Annual credit plan laga launch kuria laga highlight kurishey, FY 2024-25 nimitey aru announce kurishey, credit flow toh bishi kuriboley, priority sector khan tey, Rs. 1,058 crore para Rs. 2,003 crore tak. Tai para state kurishey ki, itu barai diya toh hoiley agriculture aru small enterprises khan nishina critical sector khan ke ensure kuriboley karney asey, koishey, kun khan toh financial support khan pai thakey, development ke drive kuriboley aru itu measure khan toh hoiley course correction hisap tey loi kena asey, credit laga flow ensure kuriboley, priority sector khan tey. Tai para itu bhi koishey ki, itu credit flow toh entrepreneurship nimitey toh hoiley 340 crore para Rs. 1,137 crore tak uthai di kena, itya laga financial saal nimitey. Itu Chief Secretary para Chief Minister’s Micro Finance Initiative (CMMFI) bhi highlight kurishey. Tai para koishey itu CMMFI laga revision toh hoiley itu fund khan laga flow ke streamline kuriboley aim kurey, itu public khan karney, beneficiary khan nimitey easy banai di kena, financial resources ke access kuriboley, aru fund flow inefficiency khan laga related concern khan address kuriboley. Tai para inform kurishey ki, itu para toh 929 entrepreneurs khan ke benefit kuri dishey, aru tatey toh hoiley 980 applicant khan asey, kuntu toh approve kurishey, District Level monitoring aru implementation Committee para, 18.6 crore release kuri dishey, subsidy hisap tey. Rs. 52 crore laga ekta total loan portfolio logotey. Itu Loan Tracking aru Monitoring Website laga Launch tey, tai khan para notun loan track kuria website announce kurishey, online loan application nimitey aru tracking enable kuri kena, beneficiary khan ke, apply kuriboley aru tai khan loan khan online para.Dr. J Alam para aru bhi highlight kurishey, Finance Department monitoring Cell laga establishment opor tey, Credit Managers aru coordinator khan sob District tey; Private Vendor khan logotey partnership; Robust Insurance Ecosystem Build kuri kena, digital piggery Insurance scheme tey, Tata AIG logotey; police personnel nimitey Accidental Insurance aru accident para manu murishey koiley nahoilebi pura disable hoi jaishey koiley, itu family toh hoiley ekta insurance amount pabo ₹ 75 lakh laga aru adha ekta disable hoiley ₹ 55 lakh pabo koishey, 24087 serve kuri thaka police personnel khan toh ty aitu insurance coverage tey board hoi kena asey,  itu khan sob laga Deployment highlight kurishey.