KOHIMA, OCTOBER 4 : Raj Bhavan Kohima pora alak-alak bapa-amma nathaka bacha kan alak-alak district, Nagaland laga kan nemite Programme manabole kuri ase. Etubi October moina, 2018 laga 5th darek pora 9th darek dak nemite. Aro etu Programme Raj Bhavan Kohima te manabole kura toh kahani te ahke wala ase. Aro etu Programme manabole kura toh Nagaland Governor, Shri PB Acharya aro tai laga Maiki, Smti Kavita Acharya pora ahkete luijai kena manabole kuri ase (initiated) koise.
Etu Programme time te bacha kan logot Coordinators aro Caretakers kan eke pora melekena thakibole lagi. Etubi dur District pora ahe kena Raj Bhavan Kohima te thaka time te. Aro etu Programme mana time te ki-ki kobi kotha kura, khel (games), cultural programme, magic show aro tusera kan manai kena thakibole ase koise. Aro etu Programme te ahebole bacha kan toh 56 Child Care Homes pora ase. Aro bacha kan sob melai kena 586 ami kan state pora ase. Aro etu bacha kan District-district hisabte Dimapur te hi besi wala ase koise.
Nagaland Governor PB Acharya laga babuna hisabte etu nesena bacha kan laga Programme toh tai laga mon de manabole kuribo koi kena thaka laga ase. Aro ami kan Nagaland state manu kan bi “Citizens Social Responsible” koi kena hisabte bhal te mon melekena ahkete luijabole kuribo lagaa laga ase koi kena, etu Governor pora janaide thakise koise. Kele etu porahi ami kan manu-manu majutte ahkete bhal pora luijabole kura hobo koi kena.
Nagaland Governor PB Acharya porabi Department of Environment, Forest & Climate Change, Nagaland kan 64th Wildlife Week koi kena 2nd October pora 8th October 2018 dak manabole laga ke besi khushi baa janaise. Etubi jua sal nesena manabole kura ke. Aro etu Din laga theme toh “Big Cats-Predators under threat” koi kena ase koise. Tai bi etu nesena din 1 habta pura manabole kura pora ami kan state laga manu kan ke mon de chuhi debo bari aro etu pora ami kan state laga janwar aro gaas kan bi pachabole kura huijabo koi kena janaide thakise. Etu kan sob nemite tai besi khushi baa janaide thakise.
Add Comment