May 19, 2025, 05:14 PM: Itu Akshay Tritiya laga occasion tey, District Administration, District Hub for Empowerment of Women (DHEW) para itu Beti Bachao Beti Padhao (BBBP) initiative under tey, District Child Protection Unit (DCPU), Tseminyu logotey mili kena, ekta awareness campaign conduct kurishey, Child Marriage rukhaboley laga opor tey, 12th aru 13th May tey, Government High School tey, Kasha aru Kandinu tey.
GHS Kasha tey, Tseminyu laga DCPU laga Counselor – Enatoli Wotsa para emphasize kurishey ki, bacha homoi para shaadi kuria toh hoiley khali social evil ekla nahoi, hoilebi itu toh ekta saja paboley laga galti kaam asey, itu Prohibition of Child Marriage Act , 2006 under tey, aru tai para student khan ke advocate khan nishina act kuriboley encourage kurishey, tai khan laga community bhitor tey budli aniboley karney.
GHS Kandinu tey, Tseminyul aga DCPU laga Legal cum Probation Officer (LCPO) – Neivotuonuo Rutsa para state kurishey ki, Child Marriage toh hoiley bishi ekta injustice asey. Itu Prohibition of Child Marriage Act, 2006 tey sapha para koi kena asey, shaadi kuriboley laga legal age toh 18 saal asey chukri khan nimitey aru chukra khan nimitey 21 saal asey. Judi kunba manu khan itu act ke namani kena itu against tey perform, promote nahoilebi permit kuri asey koiley, utu mota bhi milai kena dui saal tak laga jail khaboley pari asey, aru Rs 1 lakh tak fine khabo pari asey.
Henry Kent, Case Worker, Child Helpline-DCPU para operational framework opor tey insight khan provide kurishey, Child Helpline 1098 laga.
Add Comment