May 02, 2025, 07:38 PM: Child Marriage Rukhaboley laga opor tey awareness campaign program loishey, Akshay Tritiya laga account tey, Stakeholder khan aru Apex Organization khan logotey, District Administration and Mission Shakti aru Sakhi-One Stop Centre, Phek district para organize kuri kena, 2nd May, 2025 tey, Phek Town Hall tey para.
Deputy Commissioner, Phek, Rhosietho Nguori para tai laga key note address deliver kuri kena, koishey ki, child marriage hoa laga check kuriboley lagey, aru itu toh rukhaboley lagey, kiley koiley tatey alag alag negative aspect khan asey, itu juldi para shaadi khan kuria tey – mental, physical, spiritual problem khan aru financial aspect khan nishina bhi thaki kena. DC para itu bhi aru koishey aru itu purana system khan laga saadi kuria ke discourage kurishey, kotey manu khan tai khan laga kiman saal dangor hoilebi bishi chutu para shaadi kuria laga. Eneka thakilebi, Rhosietho Ngouri para koishey ki, kiley koiley shaadi kuria laga law khan toh hoiley Parliament tey pass kuri di kena asey, itu naamani kena chula manu khan toh consequence khan bhuktiboley lagibo, law laga hisap tey.
Add Comment