Nagaland

Child Right Khan Opor Tey Awareness Programme Loishey, Medziphema Tey

March 12, 2025

March 12, 2025, 05:07 PM: Ekta din laga awareness programme loishey, child rights opor tey, itu Bacha khan laga right khan laga Protection nimitey Nagaland State Commission para organize kurishey, kuntu toh hoiley Medziphema City Centre, Chumuokedima laga conference hall tey para loishey, 12th March, 2025 tey.

Nagaland State Commission for Protection of Child Rights (NSCPCR) laga Chairman – Alun Hangsing para tai laga keynote address tey, itu awareness programme laga significance highlight kurishey, child right khan opor tey, bacha laga right khan laga history opor tey aru keneka itu toh shuru hoishey aru kiley child right toh hoiley important asey, itu opor tey kotha kurishey.

Tai para itu mention kurishey, itu dosta fundamental right khan laga, bacha khan nimitey. Tai para koishey bacha khan toh hoiley itu society laga backbone asey aru future toh hoiley tai khan para loi jaboley asey. Hangshing para NSCPCR policy khan, laws, programmes aru bacha khan nimitey activity khan opor tey emphasize kurishey.

Tai para highlight kurishey keneka NSCPSCR para bacha laga right khan nimitey fight kurey aru tai para alag alag important child right protection act khan share kurishey, bacha khan safety ensure kuri kena.

NSCPCR laga Member – Aying Wangsha para bacha khan right khan opor tey highlight kurishey, Rights to Education (RTE) laga regard tey. Tai para itu education laga right khan explain kurishey, bacha khan karney aru keneka itu right khan avail kuriboley paribo, bacha khan laga bhal nimitey. NSCPCR  laga Member – Akumla Longchar para itu POCSO Act (Protection of Children from Sexual Offenses) bujiboley laga aru IIS implementation laga opor tey insight dishey.

NSCPCR laga Legal Consultant – Lichani Murry para ekta overview dishey itu Juvenile Justice (Care and Protection of Children) Act opor tey.

ADC Medziphema, P James Swu para itu NSCPCR ke thanks janaishey aru tai khan ke eneka nishina programme khan conduct kuriboley encourage kurishey, awareness spread kuriboley aru public khan ke sensitize kuriboley.