June 24, 2024 : Campaign laga part hisap tey, Child Trafficking ke Combat kuriboley aru Prevent kuriboley, 100 border tey thaka aru osor-osor thaka India laga District khan tey, ek din laga Sensitisation workshop loishey, ‘Preventing and Combating Child Trafficking’ opor tey, kuntu toh hoiley DC’s Conference Hall, Tuensang tey para organise kurishey, 24th June 2024 tey, Tongpang L. Jamir Advocate, Guwahati High Court, Kohima Branch logotey, tai tatey resource person buhi kena. Itu workshop toh hoiley District Administration Tuensang para organise kurishey, National Commission for Protection of Child Rights (NCPCR) aru State Commission for Protection of Child Rights (SCPCR) logotey collaborate kuri kena.
Zibenthung Kithan Deputy Commissioner, Tuensang para tai laga keynote address tey, koishey ki, bacha khan kun toh hoiley 18 saal laga nichtey tey asey, kun khan ke toh exploit kuri thakey aru force kuri thakey tai khan ke joborjosti para itu toh hoiley illegal asey. Human Trafficking toh hoiley itya laga zamana laga Slavery asey, kotey bacha khan toh hoiley cheap labour, child soldier, prostitution khan aru organ trade laga victim asey. Child Trafficking toh hoiley common asey, especially itu illiterate aru garib parivar khan tey, itu society laga aru itu toh hoiley rukhaboley pari asey, bacha khan ke educate kuri kena aru awareness banai ken aitu manu khan ke, tai para koishey.
Itu programme tey kotha kuri kena, itu resource person Tongpang L.Jamir, Advocate Guwahati High Court, Kohima Branch para state kurishey ki, itu UN laga hisap tey, 50 million nishina manu khan ke hudai saal Traffick kuri thakey aru human Trafficking toh hoiley sob para juldi aru profit hoa laga organise crime khan asey.
Nagaland toh hoiley ekta transition point tey asey, kotey trafficking toh hoiley hoi thakey, yatey laga geographical location karney, international boundary tey join thaka nimitey, Myanmar logotey aru Assam, Arunachal Pradesh aru Manipur logotey aru National Commission toh hoiley try kuri asey, cover kuriboley itu 100 boundary toh aru adjoin thaka district tey, awareness khan banai kena, manu khan ke.
Itu programme toh hoiley DCPO, Tuensang Yangthriba Sangtam para chair kurishey aru Vote of thanks toh hoiley SDO (C), Tuensang Sentilong Ozukum para deliver kurishey. Itu workshop toh hoiley Police, Government officials, NGOs, Tribal leaders, Student aru Church organisation khan para attend kurishey, Tuensang Town para.
Add Comment