Chile, 26 February 2025: Media reports khan pra koishey kunba power toh restored kuri dishey Chile laka capital Santiago laka kunba parts, ekta osor nation-wide cut pra dangor swathes chari dia current nathakina country laka. State of emergency declared kuri shey tadeh curfew thaki shey affected jaka khan te, tadeh soldiers khan ke phatai dishey. Vina del Mar festival, sopse dangor music event Latin Amercia te, taikhan laka third din toh cancelled kuri dishey. Hospitals aro prisons country across te emergency generators te ase aro transport toh biya pra disrupt hoi kina ase. Government khan pra system failure blamed kuri shey.
Nation ke TV te address kura time te, President Gabriel Boric pra koishey eight million ghor toh affect hoishey hoileh power toh adhat nishina te restore hoishey. Tai pra koishey, Aji ki hoishey bishi outrageous ase. Etu toh tolerate kuribo napareh ki ekta nahoileh several companies millions Chileans khan laka hotai din life toh affect kureh, aro etu nimite state laka duty ase taikhan ke responsible rakhibo leh. National service disaster prevention aro response khan pra earlier koishey ki outage toh Arica aro Parinacota region tak stretched kuri shey north pra Los Lagos south te. Reuters new agency khan pra report kuri shey ki duniya laka sopse dangor copper mine, Escondida toh power nathakina ase, jhamala lokot close sourceke cite kuri kina koishey.
Latam airlines khan pra koishey taikhan laka kunba flights toh disrupted hoi kina thakibo kicha power supplies toh jai jaishey aro passengers khan ke urged kuri shey journey status toh check kuribo leh. X post te, Santiago Metro operator khan pra koishey taikhan laka service toh temporarily suspend kuri dishey ongoing power outage nimite, tadeh stations khan te evacuate aro bon kuri shey.
Add Comment