China: 2019 te Coronavirus duniyaa pur te thakishe

October 10, 2020. China para koishe ke, coronavirus bemari toh jaa saal (2019) te duniyaa pur te thakishe, hoilebi, ami khan boila khobor thishe aro kam korishe. China para bemari toh Wuhan para olaishe aro Duniyaa sob te pheli thishe kowa kotha toh mana nai. China para aro koishe, US para kowa kotha COVID-19 toh Wuhan laga bio-lab te aro Central chines City te bats logot lakai beche manuh logot hoishe kowa toh be mana nai. Chinese Foreign Ministry laga spokesperson, Hua Chunying  para koishe ke, “ coronavirus toh notun virus neshina ase, aro ami khan sob manuh para jani ase ke etu bemar toh jaa saal Duniyaa sob chaka te olaishe. Etu samay, China para boila khobor thishe”, koishe. US Secretary State Mike Pompeo para Communist Party of China (CPC) khan para khobor toh loboli korishe, kowa beche te Hua para jawab thishe. Coronavirus bemari toh Chinese Communist Party khan para aro besi wala beya bonai thishe, koikena Pompeo para Tokyo, QUAD ministerial meeting  samay koishe. Etu meeting te US, India, Australia aro Japan desh khan Tuesday din thakishe. World Health Organisation (WHO) khan para coronavirus ola chaka besarai thaka samay, Chinese Foreign Ministry laga statement hanai thishe.