‘China aro Inda majo deh basi bole mun nai’: Sri Lankan President

September 24, 2024: Sri Lankan laka nutun President Anura Kumara Dissanayake para country tho sandwiched hobo leh mun nai kui shae, especially China aro India majo deh. Sri Lankan tho etu multipolar dunia deh taikan laka jaka bisara taka time deh, Anura Kumara Dissanayake para ekta interview deh, taila leadership pitor deh country tho geopolitical rivalries deh nagu sibo kui shae.  Power bloc lokot deh align nakuri nah, National People’s Power (NPP) government tho China aro India, tuita lokot deh relationship balance kuri bole aim ase.“Mukan utu geopolitical fight deh ekta competitor nata kibo aro ekta party lokot deh b align nakuri bo. Mukan sandwiched hobo leh mun nai, especially India aro China majo deh. Tuita countries b valued friends ase aro NPP government pitor deh, taikan tho mukan laka close partners hobo leh expect ase. Mukan EU, Middle East aro Africa lokot deh b relations rakhi bole mun jai,” Dissanayake para foreign policy deh kui shae.Dissanayake para etu neutral foreign policy tho Sri Lanka karne critical ase kui shae, country alka sovereignty keh safeguard kuri bo karne. President para Sri Lanka tho global superpowers majo deh deh taka power struggle deh player nata ki bo kui shae aro etu nakuri nah, diplomatic partnership bana bole focus kuri bo kui shae.