China aro India kan October 29 din deh LAC para ola bole ase

October 26, 2024: Eastern Ladakh deh taka Depsang aro Demchok jaka para front-line Indian aro Chinese soldiers kan laka disengagement tho phat hui ase aro October 28-29 din para kotom hobo leh expect ase. Enaka kuri nah tuita armies kan, Line of Actual Control (LAC) laka jaka phale patrol kura shuru hobo leh rasta banai ase, officials kan para Friday din deh kui shae.“50% nishi nah disengagement tho achieve kuri nah ase. Sob plan laka isap deh jai shae koile tho, October 28-29 para kotom hui jabo,” official ekta para kui shae. Disengagement tho October 23 din deh hui shae, India aro China kan para taikan laka stand off kotha deh breakthrough announcer kura piche deh. Depsang aro Demchok jaka deh Indian Army aro Chinese People’s Liberation Army (PLA) kan char sal nishi nah jamala deh taki nah ahi ase.Disengagement agreement tho Depsang aro Demchok jaka keh heh cover kureh aro tuita country kan alak alak jaka deh taikan laka kotha kan kuri taki bo, officials kan para kui shae.