China aro Philippine laka vessel collide kuri shae, South China Sea deh

September 1, 2024: China aro Philippines kan ekta blame game deh pasi nah ase. Taikan ekjun ekjun keh accuse kuri shae, South China Sea deh taikan laka vessel keh lakai dia karne, news agency AFP para report kuri shae. Chinese coast guard laka ekta spokesperson, Liu Dejun para social media deh etu post kuri shae. tai para post eh Philippine laka ship kan jani jani naah Chinese guard ship lokot deh collide kuri she kui shae, ekta ‘unprofessional aro dangerous manner deh’. Alak side deh, Manila deh taka Philippine officials para taikan laka coast guard ship, BRP Teresa Magbanua tho damage suffer kuri shae kui shae, Chinese coast guards laka vessel para teenpar lakai dia piche deh, Philippine ship, Magbanua keh tho Sabina Shoal deh anchor kuri nah ase. Etu jaka tho country laka ekta exclusive economic zone ase aro China kan control lubo mun jai kui nah suspicion taka karne, tateh anchor kuri nah ase. China, taikan Sabina Shoal deh taka jaka osor tho international trade karne zaruri ase kui nah papna kureh. Etu karne taikan, Philippine lokot deh jamala olai takeh. United States kan  treaty taka karne intervene kuri nah Philippine keh defend kuri bo lakeh. Etu treaty taka karne mamla tho aro complicated banai deh. China kan Vietnam, Taiwan, Malaysia aro Brunei lokot deh jamala deh basi nah ase.