China deh coal mine accident pora 2 workers moraidese

Agencies, 21 October: Official pora janaideya hesab deh, east China’s Shandong Province jaga laga coal mine deh pathor phangka pora tui-jun moraidese aro 20 jun nesana pashi kena ase. State-run Xinhua news agency pora janaideya hesab deh, etu hatsa toh Yuncheng County laga coal mine deh hoise. Etu hatsa toh Saturday rati howah ase aro coal mine laga water drainage tunnel toh beya korideya thakise. Accident howah time deh 334 manu khan toh pethor deh kum kori thaga ase. Etu laga deh 312 manu toh bachibole parise. Coal mine deh ventilation toh recover hoise aro rescue work toh agae jai ase.Zhai pora janaideya hesab deh Sunday deh tuita death bodies toh paise aro 20 workers pasha kena thaga khan ke bachabole kum toh jai ase. Tai pora aro janaideya toh, rescue operation khan dekthari pai thaga toh tunnel deh pathor khan ektum beya pora kera karni dekthari pai ase. August moina southern China  jaga deh 13 miners toh mine kera pora mora thakise.