June 22, 2024: Chinese goods deh proposed European Union tariffs taka tho ekta punishment nahoi, Germany laka Economy Minister Robert Habeck para Chinese officials keh kuri shae, Saturday din deh. Habeck laka China visit tho ekta Senior European official karne first ase, Chinese made-electric vehicles (EVs) laka import deh hefty duties propose kura piche deh. Friday din deh China para warning di shae, EU lokot deh friction uthai dia tho ekta trade war trigger kuri bo pareh kui nah. “Etu kan tho punitive tariffs nahoi kui nah jani bole zaruri ase,” Habeck para ekta climate aro transformation dialogue laka first plenary session deh kui shae. Habeck para Chinese companies kan subsidies para unfairly labh kai shae nah nai, etu tho European Commission para bhal para examine kuri shae kui shae noh mohina karne. EU Review para aha countervailing duty measure tho punishment nahoi,” tai para kui shae. Tai para enaka measure kan tho Chinese companies keh grant kura advantages keh compensate kuri bo karne kura ase kui shae. “Market access karne common, equal standards taki bole lakeh,”Habeck para kui shae.
China deh tariffs imposed kura tho punishment nahoi: German Minister
Add Comment