January 24, 2024: China, taikan Red Sea deh taka tensions kuto para global trade bishi bia para affect kuri shae, etu deh bishi jinta ase kui shae. Tension taka karne shippers kan josborjost Suez Canal avoid kuri bo laki jai shae. China kan “sob concerned parties kan lokot kotha kuri ase aro situation thon ama bole bhal kam kan kuri ase”, country laka foreign ministry spokesperson Wang Wenbin para kui shae.
“Civilians ships kan keh hamla aro harassment hua deh China kan rukai d b koi ase. Etu jaka deh sob parties kan keh jui tho dangor naba nai b kui ase aro Red Sea laka rasta deh eki lokot safety aro security ensure kuri b kui ase,” spokesperson para kui shae.
Red Sea tho China karne kiman zaruri ase, etu deh kotha kura time deh Wang Wenbin pra China kan Red Sea laka situation karne bishi jinta ase kui shae. Tai para Red Sea tho zauri international trade route ase kui shae goods aro engery karne. “Priority tho Gaza deh taka jakara phat kotom kuri bole ase, situation tho aro bia nahu bo dibo karne. China kan sob parties lokot kam kuri bole ready ase situation tho namai dibo karne aro Red Sea deh security aro stability rakhi bo karne.” tai kui shae.
Add Comment