Agencies, 28 April: Science fiction books aro movies te technologies para mathi/earth te ahai thaka asteroids te target kora aro beya kori deya toh dekhai. Etiya etu nesana toh hosha hobo nesana ase kelay koile China laga space agency para ekta notun space monitoring aro defense system janai deya nemite.
State-backed media outlet Global Times hisab te, China National Space Administration (CSNA) deputy Wu Yanhua para koise mathi te ahai thaka asteroid te rokhabole kosish koribole aro tai para be mission toh saal 2025 para suru koribole paribo koise.
First target toh asteroid hobo aro etu toh 2025 te mathi osor te ponjibole khatara thakibo pari koise aro Yanhua para The Global Times te system toh ‘Earth aro mankind’ te bachabole kaam laga hobo koise.
System te ekta simulation software thakibo aro etu para possible scenarios nemite daiyar kora te motob hobole paribo koise aro situation te najola agae te system te perfect koribole rehearsals lowa thakibo koise.
System para mathi aro space te connect koribo koise. Scientists para alak alak asteroids laga threat levels te janibole/assess nemite situation e shai thakibo koise. Ahai thaka asteroid te ekta spacecraft crash kori kena, scientists para planet earth para course putli koribole nemite shai thakibo koise.
The Global Times te khobor hisab te, system toh establishment phase te ase aro etu system laga progress aro findings toh approval agae reviewed koribo koise.
Add Comment