September 30, 2020. China te juti howa season te, Beijing authorities para warn korishe ke, kaun manuh “wild Great Wall” te uthiboli plan koribo tai khan sajai babo. Great Wall toh aro bhal kori bona kotom howa nai, etu nemite tourists khan ke officially kola nai, judi manuh khan para hokom toh nemanile fine koribo, koikena BBC para janai thishe. Etu hokom toh Golden hafta samay besi kara thakibo, keli koile hazar domestic tourists khan ahiboli ase. Beijing para aro junai thishe ke, kaun manuh para Great Wall chaka te jabo, etu manuh khan logot 200 and 30,000 yuan (£3,430; $4404) fine koribo. Etu samay, security be thakibo, Beijing Daily khobor koishe ke, 131 guards khan Great Wall osor te thaka toh Golden hafta samay duty koribo. Authorities para social media te sai ase ke jodi “wild Great Wall” te konuba event organise korishe koile. “etu saal National holiday toh ath(8) din thakibole ase aro etu ‘wild Great Wall’ samay visitors khan besi ahibo neshina ase”, koikena Yanqing District Cultural Relics Administration laga Director Hankuan para Global Times logot khobor thishe. Hankuan para aro koishe ke, Great Wall te konuba chaka toh besi neji ase ke tourist khan neji te keriboli besi echa ase. Great Wall chaka te tourists khan para visit kori thaka toh kali chotu famous landmark chaka he ase, aro etu chaka toh hazar kilometers neshina ase koishe. Etu ath(8) din holiday samay hazar Chinese tourists khan bahar para ahi thaki, hoilebi etu saal travel restrictions thaka nemite domestic tourism uthibo. China desh te virus bemari para besi bhal hoishe aro chaka besi te restrictions thaka toh hatai kena ase koishe.
Add Comment