December 6, 2024: China kan ekta “floating” train deh kam kuri bole shuru hui shae, kuto ekta commercial passenger aircraft lokot deh b fast taki bo, The Sun para report kuri shae.
China Railway tho magnetic technology chubo, kuteh ekta “manglev” b mateh. Etu “manglev” tho train keh operate kuri bo karne aro passengers kan keh transport kuri bole chubo.
“Trains, kuto faster, smarter aro environmental friendly kan laka development phat kuri bo karne aim ase,” China Railway para kui shae, The Sun laka isap deh.
Magnetic levitations deh, train deh taka superconducting magnets kan pipe laka side deh taka metal lokot deh interact kureh, train keh utha bo karne. Magnets etu piche deh, hawa laka cushion ekta banai, train keh agae lui jab oleh.
Nutun design para ekta 621 mph (1,000 kmph) laka speed deh jab oleh dibo. Etu tho China laka itita taka high speed trains lokot deh 400mph aro fast deh, kuto itia 217 mph deh polai. Alak side deh ekta long hual commercial passenger aircraft karne average cruising speed tho 547 para 575 mph tak ase.
Maglev train tho itia taka 11.5- mile Maglev Express Line S2 para branch kuri bole, Changsha nan station para.
Add Comment