China, November 1 – China niji 42nd Antarctic scientific expedition lanch kori she, aru etu ekta dangor step ase global polar research te. Etu expedition laga main aim ase subglacial lake drill kori bole prothom bar – etu toh ase bishi dangor pani nichete ice sheet nichete atka thaka jaga, juntu millions of years age banai thaki ase.
All India Radio News laga report hisab te, Chinese expedition Amundsen Sea aru Ross Sea side te jabo. Taikhan hot-water aru thermal melting drills use kori bole ase jate ki taikhan 3,000 metre ice ke drill kori pare. Taikhan laga main aim ase long-term climate pattern, sediment layer aru microbial life laga data collect kori bole – juntu extreme condition te thaki ase.
Subglacial lake ke ekta “time capsule” hisab te dekha jai — etu te ase old Earth laga climate laga clue aru life extreme cold jaga te kiman possible ase etu bujhi bole help kori pare. Etu expedition etu karone dangor step ase, nohoile China karone hai nohoi, kintu pura world laga scientist khan karone bhi asw.
China etiya panchta research station operate kori ase Antarctica te, aru nija “Qinling” Station bhi expand kori she. Etu 42nd expedition dekhai ase China laga interest scientific research, environment protection aru antar-rashtriyo cooperation te, Antarctic Treaty laga rule hobo hisab te.
Experts khan koi ase jodi etu drilling successful hoile, toh etu duniya ke help kori bole pare bujhi bole ki Antarctica laga geological aru climate history kinika ase. Etu project China ke ekta strong scientific power hisab te establish kori ase, aru dekhaishe ki etiya bhi Antarctica scientific discovery aru environment study karone ekta important frontier ase.
Add Comment