China para Bhutan mati 2 kms loishe

November 20, 2020. China toh hotai jamila te thaki etu nemite Bhutan laga 2 km bosti loishe. NDTV para Friday din te koishe ke, China para Doklam” osor te 2017 saal Chinese aro Indian larai kora chaka toh loishe. Noksa hesab te Twitter te senior journalist para Chinese state media te koishe ke, China khan para Bhutam laga mati pithor te 2 Km loishe. Khobor para aro koishe ke, Chinese journalist Shen Shiwei, para Thursday puhur te Twitter te CGTN News logot kowa toh etu chaka te fesla ekta te ahikena ase. Holebi, Chinese journalist khan para olop thiri thaka beche etu khobor toh hatishe  aro koishe ke, notun Chines bosti toh Doklam para 9 km jai beche te ase koishe. Jodi khobor para Notun Chinese bosti toh Bhutan laga mati pithor bonai-kena thaka toh hosa ase koli toh India ar,y khan be dhuk pabo koishe. India toh Bhutan laga mati saboli roli ase. Bhutanese Foreign Ministry aro Prime Minister’s Office para statement te koishe ke Chinese bosti lowa laga khobor lowa nai. Doklam laga issue toh 2017 saal te India aro China pithor te besi tangor jamila te ase. Jamila thaka pithor Line of Actual Control (LAC) easter Ladakh te 20 India Sepai khan Chinese manuh para morai thishe.