China para Joe Biden logot congrats janaishe

Beijing: November 13, 2020. Friday din American election kotom hoikena hafta oper thaka bechete China para US President Joe Biden ke congratulated korishe. US- China pithor te mil-melab toh agae saal Donald Trump laga administration thaka samai olop thik thaka nai. “ami khan American manuh khan laga choice te saman ase. Ami khan laga congratulations toh Mr Biden aro Ms Harris logot thiase’, koikena foreign ministry spokesman Wang Wenbin para press briefing thaka samai junai thishe. Kamala Harris vice president kowa nemite. Wang para koishe ke, China para US election result toh pujishe aro US hokom te manibo”.  Olop din agae te tangor desh neshina Russia Mexico aro China khan para notun President oper te congratulated nakorina thakishe, hoilebi etu hafta Beijing para janishe ke Mr Biden toh winner ase”. US media para presidential kotha kora te, Trump para aro Biden toh winner ase mana nai. White House te Donal Trump char(4) saal thaka samai, etu tuita(2) desh pithor te tangor larai hoi thakishe, etu oper te Beijing aro Washington para be ek jun- ek jun logot Covid-19 bemari nemite botnam kori thakishe aro China laga human rights toh Xinjiang aro Hong Kong te record thakishe. Etu pithor te “America First” banner te, Donald Trump para koishe ke, United States aro duniyaa logot China toh sobse tangor katara ase koikena thakishe.