China para moon te spacecraft putaise

November 24, 2020. China para manuh nathaka spacecraft ekta moon te jaikena mati aro pathor aniboli botaishe. Besi saal bechete etu kam toh first samai Beijing para space program nemite kam kora ase. Tuesday din China para robot spacecraft ekta moon te jaikena mati aro pathor othaikena aro duniyaa (earth) te wabas aniboli kam toh 40 saal beche first samai kori ase koishe. Chang’e-5 spacecraft toh Long March-5, China laga sobse tangor rocket bokai toh southern Chinese island, Hainan para 4:30 a.m, te Wenchang Space Launch Center para botaishe. Bejing laga samai toh (Monday 2030 UTC) thakishe, koikena Launch commander, Zhang Xueyu para jabole kamyaab koishe koishe. China National Space Administration toh purana saal te moon laga Chinese goddess ase, tai logot Chang’e-5 mission melikena kam kora ase.  China khan judi etu kam toh kamyaab hoile, tai khan duniyaa te 3^rd desh wala hobo ke moon para saman othaikena ahiboli. United States aro Soviet Union para toh kamyaab hoikena ase koishe. Spacecraft toh 8,200 kg (18,078 pound) ojen ase koishe aro etu para tuita(2) gari, lander aro ascender boki ase. Etu tuita toh Moon laga lunar orbit ponchiboli 8 din lakibo. Judi bapana kora toh kamyaab hoile, lander laga robot hath para mati aro pathor othaikena ascender gari te thakibo. Ascender toh wabas ahijabo. Etu beche saman toh duniyaa (earth) te wabas ahiboli 23 din neshina lobo. Etu saman (samples) para toh  scientists khan para moon laga khobor besi janiboli koishe.