‘China para mukan sob keh test kuri ase”: Joe Biden

September 22, 2024: QUAD summit deh, US President Joe Biden, hot mic deh China kan taikan keh test kuri ase kui nah kwa tho dura kai shae, news agency PTI para report kuri shae. Biden laka opening remarks tho hot mic deh dura kai shae, reporters kan summit venue keh chara time deh. Chinese President kan mui laka isap deh, nijor karne kun bah diplomatic space kini bole bisari ase, China laka interest aggressively kita bo karne,” tai keh kwa huni shae. 81 sal laka leader para China kan “sob fronts deh aggressively behave kuri nah, mukan keh test kuri ase. Economic aro technology issues deh b.” Biden para etu tho intense diplomacy lakeh kui nah QUAD nations kan biwas kureh kui shae. US President laka remarks tho QUAD summit lua time deh hui shae, Saturday din deh. Etu summit tho India Prime Minister Narendra Modi, Japanese Prime Minister Fumio Kishida aro Australian Prime Minister Anthony Albanese para attend kuri shae. US administration laka ekta senior official para remarks kan kuto outgoing US President para banai shae, etu keh downplay kuri bole koshish kuri taki shae. Tai para utu remarks deh aro kotha kuri bole kam nai kui shae, kile koile etu tho US kan puila deh b kui shae. “Mukan laka pitor laka awas, bahar laka awas lokot deh match kura tho surprise nahoi kui nah mui papna kureh,” official para kui shae.