October 25, 2023: Wednesday din deh China para nutun telescope laka plan announce kuri shae universe laka deep deh gusi bole. Taikan orbiting station karne country laka next three member crew launch kuri bole ready kura time deh etu announcement tho kui shae.
Telescope kuto laka nam Xuntian di shae, etu telescope tho China laka Tiangong space station para install kuri bo aro etu lokot co-orbit kuri bo ase, Lin Xiqiang laka statement isap deh. Lin Xiaqiang tho Chinese Manned Space Agency laka spokesperson aro deputy director general ase.
Etu installation karne eku timeframe kna kuwa nai itia tak b. State broadcaster CCTV para telescope tho asman laka survey aro mapping kuri bole dibo kui shae. China kan ek hazar nishi nah sal karne star aro planets kan laka movement research kuri nah ahi ase. Aro itia modern time deh tho space exploration aro science deh leader hobo leh koshish kuri ase.
Tang Hongbo, Tang Shengjie aro Jiang XInhn tho teetha astronaut ase kuto ekta crew keh replace kuri bole ase. Utu crew tho station deh choi mohina karne bui ase. Launch tho Thursday din deh hobo kui nah expect kuria se. Tang tho ekta veteran ase kun para 2021 space mission lead kuri shae teen mohinah karne.
China kan burgeoning space power deh dangor advancement kan banai shae aro moon deh ekta crewed mission pata bole plan b ase kui shae decade tho kotom nahua time deh.
China, taikan International Space Station karne exclude hui jah tho taikan nijor laka space station banai shae. Kile exclude kuri di shae koile tho U.S laka jinta karne ase People’s Liberation Army laka against. China laka first manned space mission kuto 2003 deh taki shae, etu kuri kina taikan third country hui shae manu keh moon deh dali bole.
Add Comment