Taipei, Taiwan: Chinese hackers khan para komti hoilebi Taiwan laga 10 government agencies te jaikena khobor loishe aro 6,000 email accounts neshina data toh chor kuriboli kurishe, Wednesday din officials para koishe. Beya kuri deya toh “chotu nahoi” Taiwan cyber official para koishe aro khobor sob othai loishe. Taipei para Beijing logot botnam thishe aro tai khan 2016 saal te cyber campaign thakishe. Etu samay Taiwan laga President Tsai Ing-wen para Beijing laga kotha mana nai. Taiwan laga ekta part toh China para tai khan chaka te ase koishe. Tsai para Taiwan toh de facto independent ase koikena tai re-election aro January moina te jetishe. Taiwan laga Investigation Bureau’s Cyber Security Investigation Office para koishe ke, tuita(2) Chinese hacking groups — Blacktech aro Taidoor para Taiwan government departments aro information service providers toh 2018 saal para target kuri ase.“ami khan bhal para jani ase ke, 6,000 emails toh bhal para kotha kuri loishe. Etai ami khan beya kura toh sai ase” koikena office laga deputy director, Liu Chia-zung, para AFP logot koishe. “ami khan etu public logot junai ase ke, sob manuh ke alert kurikena beya para aro pachiboli nemite” koiase. Etu khobor junai deya toh, ek hafta beche US health secretary Alex Azar para self-ruled island nejor koikena China para Washington ke “jui logot nakilebi” warned korishe. Beijing para Taiwan logot diplomatic aro economic pressure dishe aro military drill island osor te othaishe, aro etu oper jaa hafta agae te Taiwan air defence zone hokom namani naa jets be oraishe.
Add Comment