China para UK logot warn dishe

October 23, 2020. China para Britain logot kalti kam kora nemite botli koriboli koishe. UK para three million manuh khan logot British citizenship thiboli bapana kora nemite ase koishe. Etu fesla toh July moina te Beijing para purana British colony te national security law kori deya nemite. Critic para kowa toh China khan para 1997 saal te Hong Kong logot civil freedoms sob thiboli koikena thakishe. Beijing para olop din agae te UK logot “domestic issues” te hath naa thaliboli koishe. Friday te warning aha toh Hong Kong para China Foreign Ministry para ase. British para offer kora toh Hong Kong manuh sob logot nahoi hoilebi, kaun British National Overseas (BNO) passport thaka manuh nemite. Kaun manuh khan 1997 agae saal te jonom paishe, tai khan paribo. Etai 300,000 neshina manuh khan logot BNO passport ase, etu samai 2.9 million manuh paribo, koikena Hong Kong te British Consulate General para janai thishe. UK government para hesab kora te one million khan para January moina te visa aha beche etu offer te loboli ase koishe. Kaun manuh khan logot BNO ase, tai khan UK te visit koriboli 6 moina nemite visa-free ase koishe. Etu notun offer para manuh khan logot UK te besi din bohiboli thibo aro etu beche asti para tai khan British citizens hoiboli koishe.