China pora Pakistan logode

Beijing, 20 September: Chinese President Xi Jinping pora Pakistan Army chief General Qamar Javed Bajwa logode koi-kena thaga toh, tai laga pet project BRI aro CPEC de khela rori kena thaga ketya be na-jetibo koise. Pakistan aro China toh phal pora thakibo karni aim kori ase.  USD 50 billion China-Pakistan Economic Corridor (CPEC) toh multi-billion dollar Belt aro  Road Initiative (BRI) laga project ase. President Xi laga pet project hesab de, China-funded infrastructure projects pora pura duniya de gara thakibole laga plan ase. India pora CPEC project de na-mani kena China logode kelaf korise. Kelay koile etu project toh Pakistan-occupied Kashmir (PoK) pora bonabole plan kora karni.. Top Chinese military officials logode log kora bechide General Bajwa koise, ami khan peace nemide kum kori ase aro kelaf kori kena thaga khan ke jawab debo karni gara thakibo lagibo koise.  Pakistan military’s media wing Inter Services Public Relations (ISPR) pora koi-kena thaga toh, tai (Bajwa) Xi logode log korise koise aro regional security environment, putli koribole aro agae jabole kotha korise koise. Xi pora koi-kena thaga toh BRI nahoile CPEC de kelaf kori kena thaga khan ketya be na-jetibo koise. Kelay koile tai etu plan kora toh khali China ekala nahoi kena sob karni bona laga ase koise. Bajwa pora kowah toh, China logode phal pora thakibo karni counter-terrorism, equipment technology, aro personnel training de namise koise.