China pora US logode hosiyar

Beijing, 21 September: Friday din Beijing pora United State logode koi-kena thaga toh, Chinese military organisation khan pora Russia hatyar kenibole laga de sanction kori kena thaga rokhibole koise. Nahoile United State khan dekthari pabole ase koi-kena hosiyar janaise. Foreign ministry spokesman Geng Shuang pora koi-kena thaga toh, US khan pora enaga kora de China khan ektum kushi na-pai kena kusha hoi ase koise. Geng koise, Beijing pora United States logode official kelaf korise. Deng koise ke, US actions pora international relations laga basic principles de mananai aro tuita desh laga relationship aro militaries relation beya koridese koise. Tai khan US logode galdi hoi thaga de thek koribole koise aro sanctions kori kena thaga be withdraw koribole koise. Nahoile US khan penalty de dekthari pabole janaise. Thursday din US State Department pora Chinese Ministry of Defence laga Equipment Development Department de aro top administrator logode Russian Sukhoi Su-35 fighter jets aro S-400 surface-to-air missiles kena de financial sanctions korise koi-kena janideya thakise. Officials pora kowah toh, third desh khan first time CAATSA sanctions legislation laga pethor de Russia logode deal kora karni dekthari pai ase koise. Aro Trump administrations logode hosiyar janaideya toh, Moscow logode khelaf kori thaga time de tusara desh logode relationship beya hobole risk ase koise. United States aro China majode business war gorom-gorom hoi thaga karni etu laga kotha toh olai ase.