China te COVID-19 bemari khobor paishe

Shanghai: October 29, 2020. China te 7 moina neshina te asymptomatic COVID-19 cases sobse besi khobor paishe. Northwestern Xinjiang region te najana chaka ekta para bemari toh olaishe koishe. Sunday din te, Xinjiang health authorities para 137 asymptomatic cases paishe. Kashgar chaka te 4.75 million manuh logot testing lowa beche ase. Saturday din te 17-umer maiki garment factory te kam kora logot paishe. Tai logot bemar toh keneka thurishe khobor thaka nai aro notun cases sob toh garment factory logot linked ase koishe. Etu maiki laga case toh routine testing samai thurishe, koikena health officials para khobor kowa Chinese media para janai thishe. Etu chaka te bemar thuriboli contact tracing kam jai ase, khobor para koishe. October 25 darik te 20 notun cases paishe aro 161 notun asymptomatic cases toh mainland para paishe, koikena China laga National Health Commission para statement te koishe. Notun symptomless cases toh China para hotai count kora soru beche sobse besi paa ase aro etu march 31 darik te khobor paishe. Sunday din dak te Kashgar chaka te 2.84 million manuh logot COVID-19 tested loikena ase aro baki toh Tuesday din te kotom hoboli ase koishe. Hoilebi, China laga mainland te notun COVID-19 cases toh boila February moina para besi komti hoishe. Beijing toh aro dosura wave nemite besi phui ase etu nemite testing parai dak aro kori ase koishe. China, mainland te etai dak te COVID-19 cases toh 85,810 ase aro 4,634 manuh morikena ase koishe.