China te notun Covid-19 cases nai

August 25, 2020. Tuesday din National Health Commission para koishe ke, China te locally-transmitted Covid-19 cases notun eku thaka nai. Monday din te mainland bahar para aha 14 positive cases paishe koikena Xinhua news agency para janai thishe. Aro koishe ke, mainland te eku notun suspected cases nohoile mora khobor be thaka nai koishe. Notun bahar bemari cases pithor te, charta(4) bemari cases toh Sichuan para ase, Guangdong para tinta paishe, Shanghai aro Shaanxi para tuita(2) aro Tianjin, Hebei aro Liaoning chaka para ekta-ekta cases ase. Tuesday din te, sob melaikena mainland te coronavirus bemari cases toh 84,981, ase aro etu pithor te 386 manuh ke aro elaj kuriase, aro 10 jun manuh besi serious te ase koishe. Etai dak te sob melaikena 79,961 manuh khan bemar bhal hoikena discharged hoishe, aro mainland te etu bemar para 4,634 manuh morishe, koikena commissioner para koishe. Etu samay, mainland te aro tuita(2) COVID-19 bemari cases suspect ase koishe.