China te Seafood Packages te Coronavirus paishe

Beijing: September 25, 2020. China’s eastern city of Qingdao te Health authorities khan para konuba seafood packages te  coronavirus paishe aro etu chaka te kam kora manuh tui(2) junk e positive test thurishe, hoilebi tai khan logot symptoms eku thaka nai koishe. China para check korikena frozen food imports aro bahar foreign desh laga meat plants banned kori thishe. Thursday din laga khobor toh, hotai company  staff  para routine test thaka samay thurishe. Hoilebi etu tuita manuh logot 147 jun contact thaka kaun logot be positive thura nai, koikena Qingdao Municipal Health Commission para statement te koishe. Bahar para aniya saman aro facilities te 51 positive test result olaishe, hoilebi etu beya saman toh market te janai, commission para koishe. Chinese customs para bahar saman naniboli eke hafta neshina suspend thakishe, keli koile etu frozen saman(food) te virus toh positive test thurishe. June moina capital Beijing te bazaar section laga meat aro seafood te virus thaka besi thurikena thakishe koishe.