China te UK aro Belgium manuh jabole ban

November 5, 2020. China ke COVID-19 bemari nemite duniyaa sob para botnam thiase. Xi Jinping administration para Coronavirus bemari besi thaka desh neshina Belgium aro United Kingdom manuh khan ke peraboli bondh kori thishe aro desh neshina United States, French aro German manuh khan nemite kara testing thakibo koishe. Chinese administration para etu fesla loikena notun hoshari neum toh junaishe, keli koile Western Europe United States te coronavirus cases toh notun besi olai thaka nemite. Brussels te Chinese Embassy para statement te Belgium toh Europe laga sobse besi notun COVID19 positive cases ase etu para manuh khan peraboli mana korishe. Etu oper te China para dosura desh manuh United Kingdom neshina ke desh pithor te ahiboli bondh korishe. Tai khan logot Visa aro residence permits thakilebi mana ase. China toh besi bapana ase ke, Britain te manuh mori thaka toh Europe pithor te sobse besi ase aro etu desh toh lockdown te ase. March moina te, duniyaa laga bemari nemite China para dosura foreign manuh ke ahiboli bondh korikena ase. Etu bondh thaka toh September 28 darik te hataishe aro foreign manuh khan valid residence permits thakai ke ahiboli thishe. Friday din para US, France aro Germany laga passengers khan nucleic acid test aro coronavirus kelaaf te antibodies blood test koribo aro etu 48 gonda pithor te test toh loboli koishe. Aro jodi, passangers khan China jai thaka samai dosura desh te rokibo olaile te toh, etu roka chaka te be test te loboli lage koishe. Sunday din para notun neum toh Australia, Singapore aro Japan desh manuh khan logot be loboli ase koishe.