Indonesia, 6 June : China World Cup 2026 te qualify nahoi parise, karon Indonesia logot 1-0 te harise. China 2002 pora World Cup te nahoi thaka, aru etiya bhi football te bhal performance diya nahoi. Etu round te, China matro 9 match te 2 jiti paise aru group laga last position te ase. Coach Branko Ivankovic etu bura campaign laga kichu dosh nijor upor loi se.
Dusor pasa te, Uzbekistan aru Jordan World Cup te patham bar qualify korise. Etu bar Asian region pora 8 team World Cup te guaranteed spot pai thaka karone etu possible hoise. Uzbekistan UAE logot 0-0 draw korise, aru goalkeeper Utkir Yusupov laga dangor save karone qualify kori lobo parise.
South Korea Iraq logot 2-0 te jiti, lagatar 11th bar World Cup te jabo paribo. Iraq laga player Ali Al-Hamadi red card pai jaa karone South Korea ke advantage paise. Jordan bhi qualify korise Oman logot 3-0 te jiti, juntu match te Ali Olwan ekla-e hat-trick goal dise.
Australia Japan logot 1-0 te jiti jaise, juntu laga last-minute goal Aziz Behich dise. Etu 16 saal pora Australia laga Japan upor jita patham match ase, aru etu win karone Australia World Cup qualify koribo logot ahise. Etu point te, Australia ke matro Saudi Arabia logot dangor har nokorile qualify hoi jabo. Saudi Arabia Bahrain ke 2-0 te harai ase.
Palestine bhi World Cup qualify karibo lage top-4 te ahibo karone fight kori ase, karon Kuwait ke 2-0 te harai dise. UAE aru Qatar bhi next qualifying round te jabo karone ready hoise, juntu round te 6 team majot 2 ta World Cup spot baki ase.
Add Comment