China: Trump para UN te “Political Virus” phelise

United Nations, United States: September 23, 2020. Tuesday din China para Donald Trump ke botnam thishe aro koishe ke, tai para United Nations te “political virus” spread korishe. Etu samay US leaders khan para Covid-19 bemari nemite Beijing logot kotha te hamla korishe. “etai international community khan Covid-19 kelaaf te larai kora samay, United States para General Assembly te political virus spread koriase”, koikena United Nations te China ambassador Zhang Jun para reporters logot koishe. “ami koboli mon thaka toh General Assembly chaka te US laga kotha namile”. Trump para General Assembly te speech deya samay tai para Beijing logot “China virus” mathishe. Campaign rally samay te Trump para duniyaa khan logot China para “bemari” spread kora nemite tai khan logot action loboli janai thishe. Trump para paar-paar China logot botnam thishe, tai khan nemite virus bemari para United States te 200,000 oper manuh morishe, kaun desh te be eman morikena nai koishe.