New Delhi, 6 June : Chinese actor Jin Ze 33 saal umor te morishey.
Chinese entertainment industry etiya dukh te ase karon actor Jin Ze achanak 33 saal umor te mari jaise. Tai laga talent agency, Shengshi Guangnian Culture Co., Ltd., para June 6, 2026 te etu khobor confirm korise, juntu pora tai laga fans aru industry laga manu khan pura shock hoi jaise. Agency laga official statement hisab te, Jin Ze June 4 te China laga Hangzhou te tai nijor ghar te mari jaise, kintu maut laga karon etiya janai diya nai.
Global Times report hisab te, agency para family laga privacy respect koribole bhi request korise. Taikhan social media users aru news outlets khan ke unverified rumors aru online speculation nabarabole koise, kitia family shanti te funeral arrangements khan khotom koribole pare.
Jin Ze laga maut laga khobor Chinese social media te khub jaldi viral hoi jaise. Kunba ghonta bhitor te related topics trending list laga top te uthi jaise. Etu ghotona pora fans, colleagues aru fellow actors khan para tribute ahise, juntu te bisi manu tai ke hardworking artist aru khub bhal aru humble manu kuina mon poraise.
Tai namuria ek mahina age, Jin Ze para Weibo te tai laga last update share korise. May 6 te tai notun project ekta shoot khotom korise kuina khushi logot janai dise, kot tai lead role te ase.
Etu tragedy ahise kuntu somoy tai laga career notun ucchaikhon te uthikena thakise. Industry data hisab te, tai laga upcoming drama “Waiting for the Flowers to Bloom, Waiting for Your Return” release hua age pora bhi khub popular hoi jaise, aru 1.48 million pora besi fan reservations paise.
January 30, 1993 te Shandong Province laga Weihai te janamm hoise Jin Ze, juntu asli nam Zhang Jiawei ase. Beijing Institute of Fashion Technology pora graduation khotom korikena tai age fashion model hisab te career suru korise. Pichete tai acting te ahikena mainstream TV series aru etiya bisi popular hoi thaka short-form drama market te nijor nam bonaise.
Tai Hello Joann, Forget You Remember Love, Begin Again, Legally Romance, Beauty Reborn, aru Don’t Negotiate with Your Boss nisina romance dramas te kaam korikena viewers laga mon jiti loise. Tai laga natural acting aru on-screen energy karne tai khub loyal fan following pai loise.
Lately, Jin Ze para short-form vertical dramas te bhi bisi safalta pai thakise, juntu Chinese entertainment industry laga fastest-growing sectors majot ekta ase. Tai laga ketia release nohoi thaka digital projects khan bhi ase.
