Chinese City Zhejiang te vaccine $60 te pabo ase

Beijing: October 21, 2020. China laga Zhejiang province te manuh khan ke notun coronavirus vaccines thiboli ase. China para emergency programme toh napongcha groups khan logot be thiboli ase koishe. Shaoxing city te umer 18 para loikena 59 umer, kaun khan etu groups te nam nai, vaccine loboli nemite online para nam thalibo parebo, koikena Tuesday din te city laga health commission para Wechat account te junaishe. Holibe, vaccine laga nam aro ketai para vaccine deya soru nohoile vaccine toh keman bapo, khobor jana nai. China te emergency programme toh July moina te soru kora beche hazaar manuh khan experimental COVID-19 vaccines toh loikena ase. Etu vaccine toh kam kora manuh aro dosura tangor risk te thaka groups khan nemite te thakishe. Vaccine lowa toh etai be study koriase aro experts khan para hoshari toh paikena ase koishe. Jaa hafta, Zhejiang toh first Chinese province hoishe ke, emergency programme samai  manuh khan para mon kushi para  vaccine toh loishe, hoilebi, keman manuh para vaccine toh loishe khobor thaka nai. Shaoxing chaka laga manuh ke, tai khan para vaccine loboli monjur kora aro fesla lowa toh applications te jawab lekiboli lage aro tai khan logot tuita tawai nemite 400 yuan ($60) lobo, aro etu oper te vaccine lowa laga fee ekta te 28 yuan thakibo, koikena city para koishe. Etu fesla lowa te city te ketai para soru hobo nohoile tawai laga dam toh komti koribo nai, eku khobor thaka naa. Shaoxing laga health commission logot hota samai eku jawab deya nai koishe.