Beijing, China: September 27, 2020. Sunday pujur southwest China te coal mine mati pithor te pasikena 16 kam kora manuh morishe aro ek jun besi serious te ase koikena state broadcaster CCTV para janai thishe. Aji pujur conveyor belt te jui lakishe, state news agency Xinhua para koishe. Carbon monoxide ola nemite morishe. Medics khan para dosura manuh ke pajaboli kam korishe ase, CCTV para khobor thishe. Etu accident toh Keneka hoishe investigate kori ase koikena Qijiang district government para social media platform Weibo te junai thishe. Songzao Coal Mine toh state energy firm Chongqing Energy para jolaiase aro etu chaka toh Chongqing city bahar te ase. China te mining accident toh hoi thaki koishe, etu oper te industry logot safety toh besi komjur ase aro hosari kam toh bhal para nesai koishe. Jaa saal December moina te a coal aro gas botikena komti hoilebi 14 miners khan morishe, aro etu southwestern Guizhou province te hoishe. December 2018 saal te be Chongqing chaka te connecting segment toh shaft oper te kerikena sath(7) jun miners morishe. Etu eke saal, October moina eastern Shandong province te mine pithor te pressure uthikena pathor pangkena 21 miners morishe, etu samay pathor para tunnel pithor te kam mora mannuh khan ke bondh kori thishe, kali ekta miner jenta olaishe koishe.
Add Comment