Chinese computer chip bona khan logot rokaishe

 September 29, 2020. United States para Semiconductor Manufacturing International Corporation (SMIC), China para computer chips bona bahar te beka oper te notun sanctions bonaishe, koikena South China Morning Post para khobor janai thishe. US Department of Commerce para SMIC bahar desh khan nemite notun restrictions olaishe aro koishe ke, Jodi etu saman toh Chinese military khan para choi ase koile “tangor risk” ase. China toh US laga chips oper te besi parosa ase aro jaa tui(2) saal agae te US logot etu chips toh hotai saal USD 300 billion neshina para keni thakishe. Jaa moina te, President Donald Trump para Chinese government aro organization khan oper te security nemite fesla besi loikena ase. August 6 darik te, Trump para executive order signed korikena  US para ByteDance logot transactions ban korishe, aro etu 45 din pithor te kam juliboli ase koishe. Aro August 14 darik te, Trump para dosura executive order ekta te US te TikTok’s juli thaka toh ByteDance khan logot 90 din pithor te jariboli koishe. US Secretary of State Michel Pompeo para koishe ke, TikTok aro dosura apps neshina WeChat para China national security logot data botai ase koikena khobor janai thishe.