November 18, 2020. China para bona Covid-19 vaccine toh safe ase aro healthy volunteers manuh logot immune response toh bhal paiase koikena, study laga results hesab te janai thishe. SARS-CoV-2 vaccine candidate CoronaVac , Phase one/two trials samai 700 healthy volunteers umer 18 para loikena 59 umer khan ke April 16 aro May 5 darik pithor te kam te thalishe. Lancet Infectious Diseases te khobor janai deya hesab te, vaccine toh safe ase aro tawai tested kora te khobor bhal thikaishe. Side effect laga khobor besi wala toh injection lowa chaka te pekai ahishe.
Final tawai nalowa 14 din agae te, researchers khan para antibody jawab toh besi bhal paishe, tui(2) hafta agae vaccine candidate logot thikena thaka ase. Researchers para koishe ke, vaccine para ola antibody levels toh bemari manuh aro Covid-19 para bhal hoikena thaka manuh logot be komti wala ase koishe.Hoilebi, tai khan para aro koishe ke, vaccine para virus logot pachabo nohoile pachai-kena rakibo. Study kora laga sobse tangor kam toh vaccine laga immune response aro safety hoi naa nahoi janiboli nemite ase.
Add Comment