July 19, 2024: Itu Skill Proficiency Management, Build kuriboley aru Alag Construction Worker khan, Advanced Training of Trainers (TOT) laga Second Phase loishey, Chingmelen Village laga Community Hall tey para, Tuensang district tey, 19th July, 2024 tey. Itu training toh hoiley itu Zynorique Initiative Society laga initiative under tey conduct kurishey.
Itu session tey kotha kuri kena, Tuensang laga EAC – Mhathung Ngullie para itu trainee khan ke motivate kurishey, tai khan laga creativity aru skill khan chulaboley, tai khan laga advantage karney, economical self- sufficient hoboley nimitey. Tai para aru koishey ki, Nagaland nishina State tey toh hoiley skill employment lagi asey aru itu nishina training sru support lagi asey, itu Government para, kuntu toh hoiley unemployment laga gap toh fill kuribo, itu state tey.
Training programme laga introduction toh hoiley, Richard Belho, Chairman Zynorique Initiative Society para impart kurishey aru Leongba Hd. GB Chingmelen Village para vote of thanks janaishey.
Add Comment