Sovima, 19 October : Mizoram batsman Chinmay Sutar Ranji Trophy Plate Division match te Nagaland khilaf unbeaten 400 run bonaikoi Indian domestic cricket te history create korise. 29 saal umor laga batsman 517 ball face kori 46 four aru 7 six marise. Tai first class cricket te 400 run bonua duniya laga 12th batsman hoise, aru Ranji Trophy history te itu milestone achieve kora second player hoise. Agey B.B. Nimbalkar 1948-49 season te Maharashtra karone unbeaten 443 run bonaise. Chinmay agote Mumbai team karone khelise, kintu itu season age Mizoram team join korise. Tai laga innings pora Mizoram 581 run, 9 wicket loss te innings declare korise. Itu performance domestic cricket laga dangor individual achievements majote ekta hisab te record hoise.
Chinmay Sutar Nagaland khilaf unbeaten 400 run bonaise
