February 01, 2025, 08:17 PM: Ekta chutu medical transport kuria laga plane toh hoiley bishi alag alag building khan tey crash hoishey, Philadelphia laga north-east phaney, Friday laga shaam tey, choi jon manu bukhi kena thaka toh muri jai kena aru mati tey thaka manu khan ke jokhom kuri di kena.
Itu plane toh hoiley ekta medical transport mission tey thakishey, ekta bacha patient aru tai laga ama aru charta crew member khab ke bukhi kena jai thakishey.
Flight log khan tey dikhaishey ki, itu plane toh hoiley hawa tey “khali ek minute nimitey thakishey”, crash nahoa agetey, Philadelphia Mayor Cherelle Parker para ekta statement tey koishey.
Itu ghatna laga online show laga video khan tey dikhai thakishey, plane toh phat para giri kena thaka laga aru ekta dangor para jui lagi jawa laga dikshishey koishey.
Sob choi jon manu kun khan itu plane tey thakishey, tai khan sob toh Mexican manu thakishey koishey, itu Foreign Affairs laga Ministry para, X tey para koishey. Itu plane toh hoiley Springfield, Missouri phaney travel kuri thakishey.
Add Comment