February 26, 2026: Itu focus toh hoiley, itya itu Lucknow drum murder case tey possible motive asey, kotey 21 saal laga Akshat Pratap Singh para tai laga baba – Manvendra Singh ke murai dishey, tai laga body toh chutu chutu para kati dishey aru city laga alag alag jaga khan tey phekai dishey, crime tey para bachiboley.
February 19 laga raati tey, 49 saal laga Manvendra Singh toh hoiley khobor hisap tey, ghor wapas ahi thakishey, aru punchi kena jani paishey ki, ₹50 lakh cash toh hoiley hari jai kena asey koi kena.
Kitya tai para tai-laga bacha – Akshat ke confront kurishey, tai para jani paishey ki, itu poisa toh hoiley ekta liquor contract nimitey loi jai kena thakishey, kuntu laga online application deadline toh hoiley, February 23 tey expire hoboley laga thakishey, ekta ghor osor manu para koi thakishey.
Itu opor tey koa baji kuria para ekta bishi jhagara shuru hoishey, kuntu homoi tey, Manvendra toh gusa hoi kena Akshat ke thapar mari dishey aru bonduk dikhaishey tai opor tey.
Olop ghanta pichetey, Akshat para tai laga baba room tey gushishey, 4:00 AM nishina, rifle loi kena aru tai ghumai thaka homoi tey guli mari dishey.
Add Comment