December 11, 2024: Chris Evans tho Marvel Cinematic Universe lokot deh kotom hua nai, itia bb. Actor, kun superhero Captain America laka role play kuri nah worldwide fame pai shae, tai aha Avengers: Doomsday deh star kuri bole ase. Etu kuri nah tai actor Robert Downey Jr. lokot deh aro ekba mili bole ase.
Variety laka isap deh, Chris, kun Steve Rogers, aka Captain America play kura karne janeh, tai tho 2026 laka epic deh aro ekbar MCU deh ahi bole papna kuri ase.
Tai ki role kili bole ase, etu tho itia b najaneh. Doomsday karne sob plot details tho itia ab pitor deh rakhi nah ase. Robert Downey Jr tho wapas ahi shae, hoile b Iron Man nahoi nah. Tai tho Doctor Victor von Doom role play kuri bole ase. Tai tho Fantastic Four alka main villain ase.
Chris aro Disney karne representatives para itia b buzz deh comment kura nai.
Nutun Marvel feature project tho alak alak timeline aro universe lokot deh deal kureh. Etu nutun Marvel feature tho alak alak films kan para actors kan keh wapas ani bole expect ase. Joe aro Anthony Russo kan para Dommsday aro 2027 laka Avengers: Secret Wars keh direct kuri ase, kuto para MCU laka Multiverse saga keh kotom kuri di bo.
Add Comment